Запрашаем у групы з беларускай мовай навучання

ПАВАЖАНЫЯ БАЦЬКІ!

    Упраўленне адукацыі Гродзенскага райвыканкама нагадвае, што згодна з артыкулам 17 Канстытуцыі Рэспублікі Беларусь, на падставе артыкула 90 Кодэкса Рэспублікі Беларусь аб адукацыі асноўнымі мовамі навучання і выхавання з’яўляюцца дзве дзяржаўныя мовы Рэспублікі Беларусь: руская і беларуская. Мова навучання і выхавання ва ўстанове адукацыі вызначаецца заснавальнікам. Права грамадзян на выбар навучання і выхавання на адной з дзяржаўных моў Рэспублікі Беларусь забяспечваецца развіццём сеткі ўстаноў адукацыі (класаў, груп) з беларускай і рускай мовамі навучання і выхавання.

    Калі Вы паважаеце і любіце беларускую мову і жадаеце, каб Вашы дзеткі разумелі яе і размаўлялі на ёй, прыходзьце ва ўстановы дашкольнай адукацыі, дзе ёсць групы з беларускай мовай навучання:

1. Дзяржаўная ўстанова адукацыі “Дзіцячы сад аг.Путрышкі”

(аг.Путрышкі вул.Коммунальная,12А)

2. Дзяржаўная ўстанова адукацыі “Дзіцячы сад аг.Парэчча”

(аг. Парэчча, вул. Палякова д.29А)

3. Дзяржаўная ўстанова адукацыі  “Дзіцячы сад аг.Абухава”

(аг. Абухово, ул. 40 лет Перамогі,16)

4. Дзяржаўная ўстанова адукацыі “Дзіцячы сад аг.Свіслач”

(аг. Свіслач, вуліца Садакова, д. 5)

5. Дзяржаўная ўстанова адукацыі “Дзіцячы сад аг.Квасоўка”

(аг. Квасоўка, зав.. Первомайскій 15)

6. Дзяржаўная ўстанова адукацыі “Дашкольны цэнтр развіцця дзіцяці аг.Верцялішкі”

(аг. Верцялішкі, ул. Юбілейная, 11)

7. Дзяржаўная ўстанова адукацыі “Дзіцячы сад № 1 г.Скідзеля”

(г. Скідзель, вул. Савецкая, 40)

8. Дзяржаўная ўстанова адукацыі “Дзіцячы сад № 2 г.Скідзеля”

(г. Скідзель,в ул. Шэрэмета, 16)

9. Дзяржаўная ўстанова адукацыі “Дзіцячы сад № 3 г.Скідзеля”

(г.Скидзель, ул. Зялёная, д.45)

   Работа дадзенных устаноў адукацыі арыентавана на засваенне дашкольнікамі культурных, духоўных традыцый і каштоўнасцей беларускага народа.

    Праз знаёмства з казкамі, пацешкамі, прыказкамі, прымаўкамі, лічылкамі, творамі беларускай мастацкай літаратуры тут вучаць дашкалят ўспрымаць беларускую мову як родную, акрамя гэтага знаёмяць з этнічнымі асаблівасцямі беларускага народа, яго бытам і ладам жыцця. Развіваюць маўленчыя здольнасці выхаванцаў праз выкарыстанне ў адукацыйным працэсе беларускіх народных рухальных і карагодных гульняў, гульняў-драматызацый, дыдактычных гульняў.

       Беларускія вершы, народныя гульні, песні і танцы традыцыйна з’яўляюцца абавязковым кампанентам усіх ранішнікаў, музычных і фізкультурных святаў і забаў. Вялікую радасць атрымоўваюць дзеці падчас правядзення ў дашкольнай установе народных святаў (Дажынкі, Багач, Каляды, Масленіца, Гуканне вясны, Купалле). Далучаючы нашых выхаванцаў да беларускай нацыянальнай абрадавай культуры, дапамагаюць ім спасцігаць прыгажосць, напеўнасць і мілагучнасць беларускай мовы, знаёмяць з народнымі звычаямі, абрадамі, традыцыямі, народным этыкетам.

     Мы ўпэўнены ў тым, што выхаванне дзяцей павiнна грунтавацца на роднай гiсторыi, на родных традыцыях, і раскрываць дзецям прыгажосць роднай мовы, паказаць яе мілагучнасць - адзін са шляхаў выхавання патрыёта сваей Радзімы.