“Спадарожнік” на арбіце…
28.06.2023Вось ужо другі год дзверы аздараўленчага лагера з дзённым знаходжаннем “Спадарожнік”, арганізаванага на базе філіяла Гродзенскага раённага цэнтра творчасці дзяцей і моладзі, гасцінна расхінаюцца для дзяцей горада Скідзеля. Цэнтр па месцы жыхарства –тэрыторыя дзіцячай творчасці, сацыяльнай актыўнасці і ініцыятывы, дзе арганізавана работа шматлікіх аб'яднанняў па інтарэсах, інтэрактыўных пляцовак, якія праводзяць педагогі дадатковай адукацыі. Гэта заўсёды асаблівая, унікальная сацыяльна-педагагічная серада, у якой лёгка фарміруюцца гарманічныя, камфортныя адносіны паміж дарослымі і дзецьмі.
Аздараўленчы лагер “Спадарожнік” ўяўляў сабой Зорны гарадок. Жыхары гарадка – юныя героі-выратавальнікі, якія падарожнічалі па прасторах сусвету на вялікім ракетаплане з важнай місіяй – знайсці ў касмічнай прасторы неабходныя для мірнага і шчаслівага жыцця на зямлі згубленыя зоркі, і раскадзіраваць іх сэнсы.
У гэтым годзе на борт касмічнага карабля было прынята 30 хлопчыкаў і дзяўчынак 7-11 гадоў.
На фарміраванне сучасных маральных ідэалаў вялікі ўплыў аказвае інфармацыйнае асяроддзе. Дзеці любяць параўноўваць сябе з папулярнымі акцёрамі, кінагероямі і персанажамі, капіруюць паводзіны сваіх куміраў. Можна доўга гаварыць пра важнасць дабра, сумленнасці і адказнасці ў жыцці кожнага чалавека, але сучасным дзецям больш зразумела візуалізацыя падобных тэм.
Цэнтральнае месца ў плане выхаваўчай работы займала праца дыскусійнага кінаклуба “Кантакт”, асноўная мэта якога – фарміраванне ў навучэнцаў унутраных духоўных якасцей асобы, маральных паняццяў і каштоўнасцей, якія ўплываюць на вобраз мыслення. На працягу 18 дзён дзецям прапаноўваўся прагляд і абмеркаванне кароткаметражных фільмаў, знятых у рамках Усерасійскага праекта «Кінаўрокі ў сучаснай школе», па матывах апавяданняў рэжысёра і сцэнарыста Алены Дуброўскай. Фільмы накіраваны на выхаванне маральных пачуццяў і прадугледжваюць размову-разважанне пра галоўныя чалавечыя якасці.
18 важных слоў-зорак, уласцівых зямлянам – “дабрыня”, “падтрымка”, “спагадлівасць”, “міласэрнасць”, “гераізм”, “гонар" і інш. – сталі адпраўной кропкай у рэалізацыі выхаваўчых мерапрыемстваў тэматычных дзён.
Каб словы не разыходзіліся са справай, у лагеры штодня праводзілася сацыяльная практыка, падчас якой малодшыя школьнікі праяўлялі лепшыя якасці чалавека, удзельнічалі ў розных мерапрыемствах: экалагічная акцыя “Эка-стайл”, прафілактычны лікбез “За бяспеку разам”, інтэрактыўны занятак для дзяцей-дашкольнікаў у рамках роўнага навучання “Сто ідэй для ста дзяцей”, вулічны экспромт “Шчырае акцябрацкае!” і інш. На працягу ўсёй змены маленькія героі збіралі магічныя капсулы, з якіх у касмічнай лабараторыі будзе створаны эліксір Жыцця.
У актыўнай сумеснай дзейнасці дзеці вучыліся аб'ектыўна ацэньваць уласныя і чужыя ўчынкі, браць адказнасць за іх, самастойна прымаць рашэнні з высокай духоўна-маральнай пазіцыі на прыкладзе вобразаў станоўчых герояў кароткаметражных фільмаў, фарміруючы асабістую сацыяльную пазіцыю.
Мы в соцсетях: